လမင္းႀကီးက ဒီညမွ သာေနတာလဲ
ကမၻာေျမေပၚမွာ
လူတေယာက္
အလြမ္းသီခ်င္းေတြ သီဆိုေနတာ
မင္းမသိဘူးလား ။ ။
တိတ္တခိုး ခ်စ္ရတဲ့သူေရ
အခ်စ္ဆိုတာကို
စီးခ်င္းထိုးၿပီးမွ ရမယ္ဆိုရင္
ငါ့အတြက္ေတာ့
သူရဲေကာင္းတေယာက္ေလာက္
လိုအပ္တာအမွန္ပါ။ ။
ငယ္ငယ္ကတည္းက
ရာမမင္းသားကို မုန္းခဲ့ေပမယ့္
ဒႆဂီရိေတာ့ မျဖစ္ခ်င္တာ အမွန္ပါ။ ။
ဘယ္သူမွ မတားၾကေပမယ့္
ခ်စ္တယ္ဆိုတဲ့ စကားကို
ေျပာမထြက္ခဲ့ဘူး
ဒီလုိနဲ ့
တိတ္တခိုး အၾကည့္နဲ့
ေက်နပ္ခဲ့ရတဲ့ ရက္ေတြလည္း
မ်ားခဲ့ပါၿပီေလ။ ။
ခ်စ္တယ္လမင္းရယ္
ငါ့အိမ္မက္ေတြတိုင္းကို
ငါ့ မနက္ျဖန္ေတြတိုင္းကို
စိုးမိုးထားေနလုိက္တာမ်ား
ငါ့ကိုယ္ငါေတာင္ မပိုင္ေတာ့သလိုပဲ။ ။
အစြဲအလမ္း ႀကီးသူအတြက္
ရင္ေမာစရာေတြက
မ်ားလြန္းပါတယ္ကြာ။ ။
0 comments:
Post a Comment